चित्रपट क्षेत्रात भाजपचा ‘प्रवेश’
Maharashtra Times | Updated: Jun 14, 2017, 03:00AM IST
म. टा. प्रतिनिधी, पुणे
केंद्र, विविध राज्ये आणि स्थानिक स्वराज्य संस्थांमध्ये भारतीय जनता पक्षाने यश मिळविल्यानंतर भाजपने आता चित्रपट क्षेत्रातही ‘प्रवेश’ केला आहे. राजकीय पक्षाची चित्रपट शाखा म्हटले, की शिवसेना, महाराष्ट्र नवनिर्माण सेना हे पक्ष डोळ्यापुढे येतात. काँग्रेस आणि राष्ट्रवादी काँग्रेस यांच्या पक्ष संघटना या क्षेत्रात फारशा क्रियाशील नसल्याने भाजपने ‘भाजप चित्रपट कामगार आघाडी’ काढून थेट शिवसेनेलाच आव्हान दिल्याचे म्हटले जात आहे. भाजपप्रमाणे या संघटनेतही जोरदार इनकमिंग सुरू झाले आहे.
भाजपने देशात यश मिळविल्यानंतर विविध क्षेत्रांत पक्षाच्या शाखा सुरू झाल्या आहेत. त्याप्रमाणे चित्रपट क्षेत्रातही भाजपने प्रवेश केला आहे. काही महिन्यांपूर्वी ‘भाजप चित्रपट कामगार आघाडी’ स्थापन करण्यात आली असून ती भारतीय जनता पक्षाच्या कामगार आघाडीशी संलग्न करण्यात आली आहे. चित्रपट कामगार आघाडीची मुंबईत स्थापना झाल्यानंतर नुकतीच पुण्याचीही शाखा सुरू झाली आहे. यामध्ये पुण्यातील अनेक कलाकारांची विविध पदांवर नियुक्ती करण्यात आली आहे. चित्रपट क्षेत्रात शिवसेना व मनसे यांच्या संघटनांचे वर्चस्व आहे. राष्ट्रवादी काँग्रेस व काँग्रेस हे पक्ष चित्रपट क्षेत्रात फारसे क्रियाशील नाहीत. चित्रपट क्षेत्रातही शाखा सुरू करून भाजपने शिवसेना व मनसे यांना धक्का दिला आहे. या पक्षांचे चित्रपट क्षेत्रातील वर्चस्व मोडून काढण्यासाठी भाजप सक्रिय झाल्याची चर्चा सध्या सुरू आहे.
भाजप चित्रपट कामगार आघाडीची स्थापना करण्यात आली आहे. करमणूक, कला या क्षेत्रासाठी असलेल्या सरकारच्या सवलतींचा प्रसार व प्रचार करणे, कलाकारांना व्यासपीठ; तसेच विविध प्रकारची मदत मिळवून देणे हा कामाचा अजेंडा ठरविण्यात आला आहे. केवळ चित्रपट नाही, तर नाटक, दूरचित्रवाणी, विविध कला यांसाठी ही आघाडी काम करणार आहे.
केंद्र, विविध राज्ये आणि स्थानिक स्वराज्य संस्थांमध्ये भारतीय जनता पक्षाने यश मिळविल्यानंतर भाजपने आता चित्रपट क्षेत्रातही ‘प्रवेश’ केला आहे. राजकीय पक्षाची चित्रपट शाखा म्हटले, की शिवसेना, महाराष्ट्र नवनिर्माण सेना हे पक्ष डोळ्यापुढे येतात. काँग्रेस आणि राष्ट्रवादी काँग्रेस यांच्या पक्ष संघटना या क्षेत्रात फारशा क्रियाशील नसल्याने भाजपने ‘भाजप चित्रपट कामगार आघाडी’ काढून थेट शिवसेनेलाच आव्हान दिल्याचे म्हटले जात आहे. भाजपप्रमाणे या संघटनेतही जोरदार इनकमिंग सुरू झाले आहे.
भाजपने देशात यश मिळविल्यानंतर विविध क्षेत्रांत पक्षाच्या शाखा सुरू झाल्या आहेत. त्याप्रमाणे चित्रपट क्षेत्रातही भाजपने प्रवेश केला आहे. काही महिन्यांपूर्वी ‘भाजप चित्रपट कामगार आघाडी’ स्थापन करण्यात आली असून ती भारतीय जनता पक्षाच्या कामगार आघाडीशी संलग्न करण्यात आली आहे. चित्रपट कामगार आघाडीची मुंबईत स्थापना झाल्यानंतर नुकतीच पुण्याचीही शाखा सुरू झाली आहे. यामध्ये पुण्यातील अनेक कलाकारांची विविध पदांवर नियुक्ती करण्यात आली आहे. चित्रपट क्षेत्रात शिवसेना व मनसे यांच्या संघटनांचे वर्चस्व आहे. राष्ट्रवादी काँग्रेस व काँग्रेस हे पक्ष चित्रपट क्षेत्रात फारसे क्रियाशील नाहीत. चित्रपट क्षेत्रातही शाखा सुरू करून भाजपने शिवसेना व मनसे यांना धक्का दिला आहे. या पक्षांचे चित्रपट क्षेत्रातील वर्चस्व मोडून काढण्यासाठी भाजप सक्रिय झाल्याची चर्चा सध्या सुरू आहे.
भाजप चित्रपट कामगार आघाडीची स्थापना करण्यात आली आहे. करमणूक, कला या क्षेत्रासाठी असलेल्या सरकारच्या सवलतींचा प्रसार व प्रचार करणे, कलाकारांना व्यासपीठ; तसेच विविध प्रकारची मदत मिळवून देणे हा कामाचा अजेंडा ठरविण्यात आला आहे. केवळ चित्रपट नाही, तर नाटक, दूरचित्रवाणी, विविध कला यांसाठी ही आघाडी काम करणार आहे.
Comments
Post a Comment